Bandvefslosun - Bolta nudd 1x í viku mánudagar kl.16:30 ( 4 vikur) - Hefst 16 mars

Tímar þar sem unnið er markvisst að losa spennu í bandvef og vöðvum líkamans með mjúkum boltum, Yinyoga stöðum/teygjum og djúpöndun.

Í hverjum tíma er unnið með ákveðið hreyfiflæði til að styrkja bak, auka hreyfanleika hryggjasúlunnar og bæta líkamsstöðu. Boltana notum við til að til að nudda á ákveðnum þrýstipunktum líkamans með þeim tilgangi að losa um festur, losa spennu í vöðvum, mýkja bandvef, auka blóðflæði og endurnæra sogæðakerfið.

Þetta eru rólegir en krefjandi tímar fyrir alla sem sækjast eftir meiri liðleika, vilja létta á spennu í líkamanum, bæta öndun, auka súrefnisupptöku og ná góðri líkamlegri og andlegri slökun.

Tíminn hentar sérstaklega vel fyrir þá sem upplifa:

• Stirðleika eða spennu í hálsi, herðum og/eða mjóbaki
• Þreytu eða líkamlegt álag
• Streitu og lítinn svefn
• Minni hreyfigetu eða stirðleika í líkamanum 
• Þörf fyrir róandi, endurnærandi hreyfingu

Tímarnir eru 60 mínútur